اكمل ما سبقت الاشارة اليه فى ادراجى السابق،
عندنا جميعا مشكلة!!!! لا احد يسمع لنا؟ لا احد يفكر فيما نفكر فيه؟ لا احد يشعر بما نحتاج اليه؟ الكل مشغول بنفسه وكل واحد اللى يطول حاجة بيعملها؟ انا لست ايجابى عشان الكل بقى كده؟ لما اشوف حد بيعمل ابقى اعمل زيه؟ ياعم انت هتغير الدنيا؟؟؟سيبك من الناس دى، دول بتوع كلام وبس؟؟؟
كل دى اسئلة مطروحة وبقوة والاجابة عليها بدون كلام، يكفى ان تنظر الى وضعنا العام على اى مستوى أُسرى كان او فى اى نطاق حى او مدينة او مجتمع باسره!!!
وصلنا الى درجة من الانحطاط والفوضى والتسفيه من كل شيئ، الشعب كله دخل فى حرب نفسية ضد بعضه والطبقية رجعت وبقوة رهيبة، وتوارت اى جماعية واصبحت الفردية والشخصنة سيدة الموقف….
لهذا فقد انعدمت الخدمات، وتبدل الحال على مدار سنوات طويلة دفنا فيها جميعا رؤسنا فى الرمال، وبدلا من انتهاج الحل الاسهل وهو التكاتف جميعا لوقف نزيف الخير منا، اصبحنا نتعاون على اطالة امد النزيف بل ربما زيادة عدد الجروح فى جسد المجتمع والعمل على تقيحها.
ولكن فى ظل هذا كله، لا يجب ان يصيب الياس عزيمتك، نعم انها امور توغلت وتغلغلت حتى اصبحت تجرى منا مجرى الدم، ولكن نحن ماذا….قوم نعمل لحياتنا كاننا نعيش ابدا ونعمل لاخرتنا كاننا نموت غدا.
ما حولنا حرب نفسية مش مهم من مين، المهم موجودة ام لا، لا بد من مقاومتها، مش هقولك قاومها لوحدك او روح حرر فلسطين، انصحك بان تبنى نفسك، ابنى عقلك لتكن واعيا صادقا محترما.
احنا دايما نشتكى ولكن هل عمرنا استمعنا لشكوة حد!!! النهاردة كلنا عايزين نغير وعايزين فرص اكثر وكلنا بنقول لا لمبارك ولا للتوريث ولا للاستبداد!!! طيب ما هو الاستبداد الذى نعنيه!!!
دايما بنطالب الاخريين ان يتواصلوا معنا فى حين اننا لا نتواصل معهم!!! نريد الاخريين ان يسمعوا لنا ولا نريد ان نسمع لهم!!!
اخوتى الكرام، يجب ان نبدأ بانفسنا….لا تنتظر الاخريين يزورونك حتى ترد الزيارة، هل فكرت يوما فى المبادرة…..هل فكرت يوما فى الفعل وليس رد الفعل……هل فكرت يوما بان تضع نفسك مكان الطرف الاخر لتعرف شعوره!!!
دعنا من موضوع اشمعنا انا؟؟؟؟ لانك لو عرفت انت بتعمل كده ليه لن تقول هذا الكلمة، انت بتعمل عشان ربنا امرنا بكده، انت راجل بتصلى بتصوم ام لا، حتى ولو لم تكن كذلك فى الوقت الحالى عندك استعداد تساعد، المثل بيقول " من قدم السبت لقى الاحد قدامه"، وكما جاء فى القران الكريم
" يا ايها الناس انا خلقناكم من ذكر وانثى وجعلناكم شعوبا وقبائل لتعارفوا ان اكرمكم عند الله اتقاكم ان الله عليم خبير " سورة الحجرات- آية 13
بمعنى ان الاختلاف دافع اقوى للتواصل، وان التواصل عمل يساعد على توطيد الاواصر وزيادة المودة بل وربما التعاون فى كل ما فيه خير.
من منا يتواصل مع الاخر حتى ولو لمعرفة ماذا يقدمون، كيف نستطيع ان نحكم على اناس بدون ان نرى او نسمع كلامهم!!!
اعتقد ان كل انسان منا عليه دور هام، نحن علينا جزء كبير من المسؤلية، انت مطالب بماذا؟ ببناء نفسك، ببناء الفرد، الفرد اليوم تحت وقع حرب نفسية رهيبة اكبرها من داخلنا، من الفساد حولنا، من مجتمعنا احنا، سيبك مين اللى خطط المهم المؤامرة موجودة، خذ نصيبك، ابنى نفسك، ابنى عقليتك، بتدخل على النت، حاول تجعل وقتك كله لك، اقرأ، اعرف، ا