مدونون . من . أجل . التغيير

ندعوكم .. للانضمام .. للمجموعة

لنكون شركاء فى التغيير الذى نرتضيه

كن ايجابيا.....................شارك فى التغيير

موقع المجموعة

http://groups.yahoo.com/group/bloggers_for_change/

1. سارة قال:
   أغسطس 1st, 2007 at 1 أغسطس 2007 6:43 ص

   عزيزى ايمن

   بالطبع كما ذكرت الحلول لا بد ان تأتنى منا قبل الحكومة او حتى دونها ان لم ترد الاصلاح
   لا بد ان يتخلى الاباء عن رسم مستقبل ابناءهم وان يحاولوا التغلب على عقدة طبيب مهندس سفير وكان كل من يخرج من تلك الكليات ناجح ومفيد لنفسه ووطنه وهو مايثبت الواقع خطأه
   فالامر طبقى متنوع
   ثم ماذا لو اصبح كل من يريد طبيبا من الذى سيمرض اذن
   ومن سيعلم ومن سيدافع عن حقوق المظلومين ومن ومن

   وبالنسبة للجامعات فهى بالفعل تستوعب اكثر من ضعف طاقتها
   وهو مايؤثر بلا شك على مستوى الخريجين
   بحيث يتخرجوا وهم اساسا غير مؤهلين

   المشاركة شركاء
   ماشاء الله ده انت هتتحسد كدة

   تحياااااااااااتى

2. ايمن مصطفى قال:
   أغسطس 1st, 2007 at 1 أغسطس 2007 6:52 ص

   سارة

   كلامك صح……مش معنى تجارة او حقوق او اى كلية اخرى انه اقل فى القيمة او عطاء للمجتمع من غيرها.
   
   موضوع التقسيم على اساس المجموعة واساس التصنيف حول المجتمع الى حرب يحاول كل فرد فيه الوصول الى موقع يكون فيه تصنيفه اعلى من الاخر

   بمعنى اصح نريد مجتمع متجانس طبيعته الربانية انه صنوف من المهن ولكن متراحم متكامل

   امسكى الخشب بقه لما نشوف هنقدر نستمر على المشاركة ام لا

   تحياتى

3. cinderella قال:
   أغسطس 1st, 2007 at 1 أغسطس 2007 8:04 ص

   ايمن
   
   اللى قولته صح قوي بس في مشكله تانيه
   
   الناس
   
   تلاقي كل الفئات عاوزه اولادها خريجي جامعه وتلاقي خريج الدبلوم ولا المعهد ولا كانه سبه في جبين اهله واصلا مالوش شغل نهائي والصنايعي ده ولا كانه مرض بيهربوا منه
   
   وعلشان كده اللى يبقي بيشتغل في المهن دي اقل واحط الفئات وبالتالي انقرضت وتكاد تنعدم فئه العمال اللى هم اساس وعماد اي صناعه او اي مهنه وتبقي سلمللي علي الثوره
   
   اعتقد كمان لازم نرتقي بالتعليم من اول الثنوي والفني المتخصص علشان الناس تقبل عليه ويبقي عندنا عماله مدربه
   
   وعلي فكره يرجع نقص العماله الامينه المدربه كسبب رئيسي جدا في عدم تواجد صناعه سواء مصريه او اجنبيه في مصر واسالني انا لاني مكويه بالنار دي ومش عارفه اعمل ايه؟
   
   تقبل تحياتي علي الموضوع الجميل

4. النورس قال:
   أغسطس 1st, 2007 at 1 أغسطس 2007 9:00 ص

   احمد زويل لو امتحن الثانويه العامه ما حصل على مجموع 100% ، لكن نظامنا اتاح ذلك لمئات الطلاب …. فهل هؤلاء اكثر عبقريه من احمد زويل؟؟
   
   انه الفشل يا سيدى

5. عادل سعيد قال:
   أغسطس 1st, 2007 at 1 أغسطس 2007 9:20 ص

   وقت الهجوم الأمريكى على العراق 2003 استفزنى الحال و طافت بعض الأسئلة برأسى بل برؤس الملايين .. كيف لهؤلاء يحكمون العالم و قد تحرروا و اتحدوا فقط منذ قرنين و قليل !!! و كيف يسحبون بريطانيا العظمى و حلفائها كالخراف و كيف وهم بهذه القوة تسيطر عليها أسرائيل وووو ؟؟؟؟
   
   المهم باب ” قصة أمريكا ” من كتابى خلاصته هو أركان أربعة قام عليها هذا الصرح الجبار أوله الحرية و ثانيه العلم و ثالثه العمل و رابعه الأدارة … الامة التى تقوم على القوة فقط .. غاشمة كالتتار و النازية تصعد بسرعة و تهبط أسرع !! و الأمة التى تصعد بالعلوم صودها وان كان بطيئا الا انه ..ز
   
   و الله الموضوع طويل يايمن
   
   الله يسامحك
   
   قلبت علينا المواجع
   
   أخبار الحر عندكم |أيه

6. السنونو قال:
   أغسطس 1st, 2007 at 1 أغسطس 2007 9:55 ص

   تدعوكم مدونة اطيار السنونو بمناسبة ذكري الاسراء والمعراج الموافق 10 اغسطس2007

   الي ان نخصص هذا اليوم للمسجد الأقصي

   قضية المسلمين الأولي

   في انتظار مقترحاتكم
   

7. ابن الشيخ قال:
   أغسطس 1st, 2007 at 1 أغسطس 2007 10:27 ص

   أتفق معك تماماً أخي أيمن فيما ذكرته عن قضية التعليم.. ليس هناك فلسفة واضحة و لا أهداف محددة للعملية التعليمية بمستوياتها المختلفة. الدولة تحاول اسكات الناس و تفادي غضبهم باستيعاب أكبر عدد من الطلبة في الجامعات و من ثم تصدير المشكلة إلى سوق العمل كما قلت.. لأن الدولة فاقدة للشرعية فهي غير قادرة على اتخذا إجراءات حاسمة من أجل تتطوير حقيقي..

   قرأت تعليقك على مدونة الشرقاوي. أنا أعتقد أنها أقرب الأفكار قابلية للتنفيذ لدفع عجلة الإحتجاج الذي نطمع أن تصل لما هو أكبر من ذلك. و إليك تعليقي عليه:

   فكرة معقولة جداً. إذا لم نستطع التظاهر من الشارع فلنتظاهر من بيوتنا.

   لكن كيف تحقق الدعاية الكافية و تحمل الناس على تنفيذها. ربما يستحسن أن نبدأ بمدينة ما غير القاهرة. المنصورة مثلاً. إذا نجحت أن تحمل أهل مدينة واحدة على تنفيذ الفكرة بنجاح فستحدث صدى كبير و ستستطيع بعدها أن تطبقها تباعاُ في مدن أخرى..

   تحياتي..
   

8. منذر قال:
   أغسطس 1st, 2007 at 1 أغسطس 2007 10:33 ص

   والله يا باشهندس
   
   انا شايف ان الثانوية العامة تمثل بوابة المشلكة
   
   لكن المشكلة تبدا من المرحلة الإبتادية
   
   وتتفاقم فى الثانوية العامة
   
   وفين التعليم المهنى
   
   دبولمات التجارة والصنايع بيروحوا فين
   
   انت عارف بيروحوا فين بعد كده
   
   بيروحوا معاهد نظم ومعلومات وإدارة
   
   طب ايه دخل الكهرباءفى إدرة الأعمال
   
   مافيشاي علاقة
   
   وسورى دلوقتى
   
   الأب بيقول لابنه هات 80 فى المية وندخلك هندسة خاصة ولا صيدلة ولا طبخاص
   
   يعنى العملية بقت بفلوس
   
   من خلال جامغعات فاشلة فاغشلة فاشلة لا تهدف إلا للربح والرباح فقط، وبتطلع طلبة أفشل
   
   المنظومة خاطئة وتتفاقم وتبلغ ذروتها فى الثانوية ووظهرعلى السط فى الجامعة ونشم رائحتها النتنة المتمثلة فى البطلالة المقنعة او التزوير والرشوة

9. ايمن مصطفى قال:
   أغسطس 1st, 2007 at 1 أغسطس 2007 10:47 ص

   سندريلا

   الدنيا مش ممكن تمشى بالناس كلهم خريجى جامعات يا اخوانا…..مصر فيها حاجة غريبة اوى الناس للان لسه بتتحدد مستواها من مستوى تعليمها
   
   يعنى ايه تجارة اقل من هندسة او صيدلة اعلى من حقوق

   مش قادر افهم ايه علاقة المهنة بالمكانة الاجتماعية فى البلد
   
   كل واحد مهم للبلد مفيش حد على راسه ريشة ومفيش حد احسن من حد

   اللى يقدر يخدم هو اللى يبقى فى الاول

   عمالة مدربة وفى مصر….التعليم الفنى هو الاساس قبل اى استثمارات فى مصر
   
   عشان كده معظم المهندسين بيشتغلوا فورمان
   
   والاطباء ممرضين
   
   القضية مش قضية تعليم وبس القضية قضية منظور لكل شيئ تعليم ومكانة ومساواة

   لازم نتغير عشان نقدر نغير بلدنا والا اسمحوا لى

   تحياتى

10. ايمن مصطفى قال:
    أغسطس 1st, 2007 at 1 أغسطس 2007 10:48 ص

    اخى الكريم النورس

    اينشتين نفسه لو دخل الثانوية العامة مش ممك يجيب اكثر من 70 % مع الرافة

    بس هنقول ايه
    
    منهم لله ضحكوا طوب الارض علينا
    
    خلى الناس قال ايه تبقى مبسوطة

    تحياتى

11. ايمن مصطفى قال:
    أغسطس 1st, 2007 at 1 أغسطس 2007 10:50 ص

    عمنا عادل سعيد

    شوف بقه امريكا عايشة على التعليم والمساواة بغض النظر عن الخلفية او الجنسية او الدين وده لازم نعترف به(مسموح فقط فى اى شيئ ما عدا السياسة)

    وبعدها العقول المهاجرة واغلبها من الدول العربية
    
    تمص دمنا وتبخ سمها فينا بعد كده

    على العموم الجو هنا زى عندك
    
    انت مبتجيش ليه……مش تبقى تيجى

12. ايمن مصطفى قال:
    أغسطس 1st, 2007 at 1 أغسطس 2007 10:51 ص

    اخى الكريم السنونو

    فكرة رائعة ان شاء الله نحاول تطويرها عشان تؤتى ثمارها

    شكرا لك على هذا العرض الجميل

    تحياتى

13. مجهول قال:
    أغسطس 1st, 2007 at 1 أغسطس 2007 10:53 ص

    اخى الكريم والعزيز ابن الشيخ

    القضية اكبر من التعليم القضية قضية ادارة وسياسة دولة فى اى شيئ

    منظومة العمل المصرى كلها بدون اهداف وبدون وسائل للقياس يتم على اساسها تقييم العمل

    المشكلة فى الراس لانها لما تشيخ بتخلد الى الراحة وهو ده اساس البلاوى

    بالنسبة لفكرة عمر
    
    ان شاء الله
    
    نحاول تبنيها بعد تعديلها عشان منحرقهاش بدون نتيجة

    تحياتى وارجو دوام الاتصال
    

14. ايمن مصطفى قال:
    أغسطس 1st, 2007 at 1 أغسطس 2007 10:56 ص

    منذر

    مش هنختلف على البداية من الثانوية ام لا…التعليم كله كسياسة مش موجودة ومش موضوع اعتبارات لها فى اى خطط للتنمية
    
    اى مجتمع محترم كله موصل فى كله
    
    التعليم بيصب فى سوق عمل وسوق العمل يصب فى التنمية والتنمية فى التصنيع والتصنيع يصب فى صادرات و….الخ
    
    لكن احنا ما شاء الله كله بوظة لما الواحد دماغه ولع من الاحباط

    تحياتى

15. samoor قال:
    أغسطس 1st, 2007 at 1 أغسطس 2007 12:15 م

    طبعا المشكلة كبيرة
    
    لكن انا شايفة ان فى خطة لاصلاح تلك المشكلة من جانب وزارة التعليم العالى
    
    ومن رأيى ان اصلح حل بعد اصلاح نظام الثانوى نفسه هو عمل انترفيوز او مقابلات شخصية و تحريرية ايضا فى كل كلية اثناء التنسيق و بذلك فلن يترتب التنسيق على المجموع وحده بل العامل الاكبر على اللياقة و حب الكلية و معرفة و لو القليل عنها
    
    و ييتقدم الطلاب لتلك الاختبارات فى الكليات التى يرغبون بها
    
    و ما لم ينجح بها الطالب لا يحق له الالتحاق بها مهما كان مجموعه يعطيه ذلك الحق
    
    حتى يلقى الطالب الكلية الائقة له حتى يستطيع الانجاز بها و الالمام بكل جوانب مجالاتها بحب و نهم
    
    و بالطبع ما قلته هو كلام نظرى بحت و لكنى ارى انه يمكن تفعيله و العمل به بسهولة
    
    و انا سمعت من وزير التعليم العالى ان ذلك النظام بالفعل سيتم العمل به منذ 2010
    
    و لكن هل سيوافق الناس كطلبة و اولياء الامور على ذلك النظام و تلك الخطة؟
    
    لا اعتقد
    
    و لكن ليس كل من يتعامل مع المشكلة يراها بشكل صحيح و يستطيع ان يجد لها الحلول و لكن ذلك من شأن الوزارة المتخصصة فلا مجال لبحث اراء الناس
    
    فمثلا فى كلية الاعلام التى افخر بالتحاقى بها لانى دخلتها عن حب فمعظم الطلبة لا يعرفون لماذا دخلوها و ماذا سيخرجون منها و ليس لهم ايه اهداف لمستقبلهم بها
    
    و انا اتصور ان تلك مشكلة كبرى حيث يخرج كل هؤلاء الطلاب تائهين مشوشين ليس وسعهم الدخول فى مجال تخصصهم الذى لم يعرفون عنه شيئا سوى انهم تخرجوا بتقدير امتياز و ذلك حال الكثيرون فى كل الكليات
    
    تحياتى و احتراماتى

16. ايمن مصطفى قال:
    أغسطس 1st, 2007 at 1 أغسطس 2007 2:27 م

    سامور

    المشكلة ليست فى النظام قبول الجامعات فحسب لانه بافتراض عمل مقابلات على اى اساس سيتم التقييم؟؟؟؟مش ممكن ده فى غياب الشفافية انها تفتح باب للرشوة وتبقى خراب ديار جديد؟؟؟

    وبعدين ايه فايدة التخرج من كليات وسوق العمل نفسه متشبع ولا توجد حلول جذرية له
    
    مش ممكن اصدق ان الحكومة اللى بتبيع كل شيئ ومش بتوفر المياه لشعبها عاوزه بجد تحل اى مشاكل

    اللى عاوز يحل يا سامور بيبان على توجهه وعلى ملامحه واحنا الحمد لله الحكومة المصرية اللى باين عليها ” بيع يا صبرى”

    الحل لازم يكون بالتنسيق مع كل شيئ الخريجين يجب ان تكون متوازية مع خطط التنمية مش بطيخ

    الاصلاح لا ياتى بالنوايا بل بالتخطيط السليم

    تحياتى

17. omnia_ el ward قال:
    أغسطس 1st, 2007 at 1 أغسطس 2007 3:20 م

    أيمن

    بجد موضوع غايه فى الأهميه مصيبه نفسى اعرف ازاى طالب يجيب 100%

    دة عبقرى زمانه ولا الامتحان كان تافه لدرجة انه ما غلط ولا حتى املائيا

    وبعدين فى مصر مشكله كبيره اسمها كليات القمه وغيرها يبقى قاع

    طبعا فكر عقيم فما فائدة طالب الطب لما يطلع طبيب خايب مثلا او مش ناجح بعمله

    علشان اهله عاوزينه طبيب علشان ما يكون اقل من ابن عمه او خالته

    ايه ده ؟؟

    ولا الاعداد المهوله اللى بتتخرج من الجامعات مش لاقيه شغل

    والمفجأه بقى ان الشغل

    بعيد كل البعد عن العمل يعنى الكتب مجرد حشو وخلاص ما فى اى

    افاده منها فى الواقع العملى يبقى ايه الفائده

    بندور فى دائرة مفرغه سببها تخطيط سيىء ومناهج عقيمه

    طبعا نتمنى التغيير والاصلاح وفعلا نبدأ بأنفسنا ولا نيأس

    شكرا ايمن دمت بود

18. اعصار الحق قال:
    أغسطس 1st, 2007 at 1 أغسطس 2007 3:22 م

    مش هقدر أقول غير أن مقالك وحلولك ممتازة
    
    لكن مين يقرل ومين يسمع
    
    تحياتي
    
    ********
    
    وأدعوكم لقراءة ادراجي الجديد ” بغداد “

19. rania ramadan قال:
    أغسطس 1st, 2007 at 1 أغسطس 2007 4:54 م

    ساهم معنا في انشاء بنك المدونين كل حسب رغبته ومقدرته الماديه بشرا ءعدد من
    
    . الاسهم وتكون عضو مؤسس بهذا البنك

    حيث من اهداف هذا البنك الانفاق على مشاريع تخدم الطفوله وتؤهلهم لحياة
    
    كريمه على مستوى الوطن العربي بحيث تكون قيمة السهم الواحد دولار مثلا

    ويكون له هيئه مراقبين من المدونين واخرين محايدين

    قدمنا العرض وجاءنا منذ بادء ذي بدء 50 دولار

    ساهم معنا برأيك و أفكارك أولا
    
    ثم كن عضوا مؤسسا في البنك
    
    لمزيد من المعلومات و التعليق راجع مدونة لما ماضي على الرابط

    http://hagal.maktoobblog.com/

    ولمعرفة أصل الفكرة ممكن مراجعة مدونتي

    المدونة التي تتبنى المشروع هي مدونة شوكلاته لله على الرابط

    http://shoco.maktoobblog.com/?

20. المستبشر قال:
    أغسطس 1st, 2007 at 1 أغسطس 2007 7:59 م

    اكبر مشكا يعاني منه الوطن العربي هو مشكل التعليم

21. ابن مصر قال:
    أغسطس 1st, 2007 at 1 أغسطس 2007 8:04 م

    استاذ ايمن
    
    ياريت تكون 100% بس دى فية حاليا اعلى من 100% ازىمعرفش
    
    و فى النهاية خرجين دون المستوى العلمى و الثقافى و المعرفة
    
    الازمة فى انة هناك فارق كبير بنين ان يكون الشخص
    
    متعلم و ان يكون مثقف
    
    ففى مصرنا الان الملاين من المتعلمين و القليل من المثقفين
    
    عباس محمود العقاد كان مثقف و لم يكن متعلم

    هل نعى معنى 100% يعنى انة لا اخطاء فى جميع اجاباتة فى جميع المواد …. و فى المقابل تجد الكثير يخطىء فى الاملاء
    
    كيف لا اعرف
    
    انة سؤ التخطيط لمتطلبات السوق من العمالة
    
    مع انى الكل بعد التخرج او حتى عدم التعليم فهو دكتور و باشمهندس او باشا

    هذا خلاف الجامعات الجديدة الخاصة ذات الاسعار الخيالية و التى يدخلها الخاصة جدا و اللة و اعلم عن مستوى تعلمها
    
    حتى جامعة القاهرة اصبحت غير معترف بشهادتها عالمين
    
    و كلة ماشى
    
    امال عايز عدد العاطلين يزيد اضعاف و اضعاف اهو بياجل عددهم 4 او 5 سنوات قبل احتسابهم من اعداد البطالة
    
    مش مرة لغو سنة ستة و بعدين رجعوها
    
    من غير ما نفهم لية لغوها و لا لية رجعوها
    
    و مرة الثانوية العمية سنتين و مرة ترجع سنة واحدة …
    
    و كلة ماشى

    ابن مصر الغلبان و الحيران
    

22. كامل كامل قال:
    أغسطس 1st, 2007 at 1 أغسطس 2007 8:09 م

    ابداع واضح اتمنى لك دوام التقدم

23. ربيعة الناصر قال:
    أغسطس 1st, 2007 at 1 أغسطس 2007 8:56 م

    المشكلة عزيزي أيمن سياسية وثقافية… كيف؟
    
    سياسة التعليم في بلادنا جميعها خطط وبرامج شفها يعني ( نقلها ) أصحاب القرار في وزارات التربية عن نظريات تربوية كانت نتاج تجارب تعليمية حقيقية.. يعني قص ولصق..
    
    مناهج التعليم لا تتفق مع معطيات الحياة .. فيصبح المطلوب صم وحفظ ليس إلا.. ينتهي مفعوله بعد تسليم ورقة الامتحان لمشرف القاعة..
    
    وثقافيةأيضا. لأن هناك ثقافة اللقب الدال والميم والألف.. دكتور .. مهندس .. أستاذ جامعة.. وليس مدرس المدرسة..
    
    وسياسات قبول الجامعات تتعامل بغباء مع خريجي الثانوية العامة.. تغيرت سياسات القبول في كل العالم ونحن ما زلنا نحسب العشر والأربع أعشار عشان يلحق يدرس طب. أو صيدلة.
    
    الحاصل أن سياسات التعليم وسياسات القبول واستخدام الدرجات العلمية والشهادات كهوية شخصية وليس من أجل تطوير العمل وإعطاء معنى للحياة.. أنتجت ثقافة سطحية ومشوهة لدى أصحاب الشهادات العالية..
    
    ولن أقول الكفاءات أو المؤهلات لأن ليس كل حاصل على شهادة هو أهل أو كفؤ للقيام بدور في التغيير الحقيقي.. وطبعا سيتبعهم البدون.. /بدون شهادات / اعذرني للإطالة .. إنما أنت هنا وكعادتك دائما لامست قضية من أهم ما يواجهنا من القضايا التي تستحق البحث والدراسة الجادتين من قبل المجتمع..
    
    احترامي وتقديري
    

24. هيثم ابوخليل قال:
    أغسطس 1st, 2007 at 1 أغسطس 2007 9:30 م

    عايز تخصيهم يا عم أيمن … وأنا إللي كنت بحسبك طيب …!!!

25. essam elboghdady قال:
    أغسطس 1st, 2007 at 1 أغسطس 2007 9:46 م

    عزيزى / ايمن
    
    اذا ما واجهت اى مسؤل بهذا الكلام سيرد عليك بالزياده السكانيه الفظيعه ..
    
    وبناء على ذلك ولحل هذه المشكله ببساطه ان نأتى بحكومه من الصين لادارة المجتمع المصرى .

26. ايمن مصطفى قال:
    أغسطس 2nd, 2007 at 2 أغسطس 2007 1:29 ص

    اختنا الكريمة امنية ابراهيم

    كل ما ذكرتيه يقول فعلا ان مصر بلد العجايب بس يا هل ترى تعتقدى ان الموضوع ده صدفة؟؟؟

    بالعكس كل ماشى بالطريقة دى عشان محدش يفوق للى بيحصل فى البلد

    يبقى مش لازم نستنى المخلص على حصانه الابيض لانه مش هيجى لازم نتحرك ونطالب بالصح

    تحيتى

27. ايمن مصطفى قال:
    أغسطس 2nd, 2007 at 2 أغسطس 2007 1:31 ص

    اخى الكريم اعصار الحق

    شكرا على المرور واتمنى التواصل
    
    بس المشكلة فى مين يسمع ومين يقرا

    تخيل لو كل واحد عارف الحقيقية دى بدا بنفسه هياثر على كام اسرة؟؟؟ واللى بعديه وهكذه مش هنبق شوية ناس ابدا

    اكيد هنكتر وناس هتبقى زينا
    
    ليه مش نحاول نعمل الصح؟

    ان شاء الله امر على مقالك بغداد

    تحياتى

28. ايمن مصطفى قال:
    أغسطس 2nd, 2007 at 2 أغسطس 2007 1:32 ص

    الاخت الكريمة رانيا

    ان شاء الله امر اشوف الفكرة بس مش عارف ايه موضوع الشيكولاته؟؟؟

    اعتقد ان الفقراء محتاجين لعمل اكثر من الاموال والاكل؟؟؟؟

    على العموم نمر ونشوف
    
    واللى فيه الخير يقدمه ربنا

    تحياتى

29. ايمن مصطفى قال:
    أغسطس 2nd, 2007 at 2 أغسطس 2007 1:33 ص

    اخى الكريم مستبشر بالفتح

    ويا لها من مشكلة لانه ام المشاكل وهى اساس اى تقدم
    
    واسال الدول العربية واسال امريكا

    تحياتى

30. ايمن مصطفى قال:
    أغسطس 2nd, 2007 at 2 أغسطس 2007 1:35 ص

    اخونا الكريم ابن مصر

    اينشتين نفسه مش ممكن يجيب 74 %
    
    بس اقول ايه
    
    بيضحكوا على الناس بالمجاميع وفى الاخر تلاقيهم مكوعين فى الجامعة وحتى الجامعة تذاكر وتصم مش تفهم
    
    تطلع عشان تشتغل مفيش شغل
    
    واللى يشتغل مش مهم يكون بيفهم او متعلم
    
    شيئ كله بالمقلوب
    
    وكلنا عارفين وساكتين
    
    طب والحل
    
    هنفضل ماشيين عكس البشر لحد امته؟؟؟
    

31. ايمن مصطفى قال:
    أغسطس 2nd, 2007 at 2 أغسطس 2007 1:36 ص

    اخى الكريم كامل كامل

    اشكرك واحييك على المشاركة وان كنت امل ان تشاركنا برايك

    لك منى كل تحية

32. ايمن مصطفى قال:
    أغسطس 2nd, 2007 at 2 أغسطس 2007 1:39 ص

    الاستاذة الكريمة ربيعة الناصر

    لا باس فى الاطالة فى موضوع حيوى ومهم هكذا لان اساس اى تقدم او حضارة حقيقية هو العلم والتعليم وكسر حاجز الجهل

    ولكن هل تعتقدى ان كل ما يحدث من مساوئ يحدث بصورة عفوية؟؟؟

    بالطبع لا ولكنه مقصود ليظل الكرسى وتظل مقاليد الامور فى ايدى الطغمة الحاكمة المتسلطة

    يبقى عشان نحاربهم ونرد باسهم لازم نحارب الجهل اللى بينشروه بين الناس

    تحياتى

33. ايمن مصطفى قال:
    أغسطس 2nd, 2007 at 2 أغسطس 2007 1:40 ص

    اخونا الكريم هيثم ابوخليل

    صدقنى موضوع الاغوات ده اسلم حل واعظم وسيلة

    هتقضى على اى امل لهم فى اعتلاء كراسى الحكم

    ولا انت شايف ايه؟؟؟

34. ايمن مصطفى قال:
    أغسطس 2nd, 2007 at 2 أغسطس 2007 1:41 ص

    الاستاذ الكرييم عصام البغدادى

    انا شايف ان اعظم هدية نقدمها للصين ان احنا نطالب مقابل الخدمات الجليلة اللى قدموها للوطن انهم يبقوا مسؤلين فى حكومة الصين

    وساعتها هنشوف فعلا الفعل الحقيقى؟؟؟

    ولا مش راى برضه؟؟؟

    تحياتى

35. abeer قال:
    أغسطس 2nd, 2007 at 2 أغسطس 2007 6:18 ص

    أخ / أيمن —-
    
    الكلام جميل والحلول هايله بس عايزه ناس بتحب مصر بجد عشان تتحقق وإلا حتفضل مجرد أحلام —- والحكايه كمان أكبر من الحكومه دى حكايه آباء وأمهات كل حلمهم يشوفوا أولادهم متخرجين من الجامعه إن شاالله بعد كده يبيعوا بطاطا —
    
    بالنسبه لموضوع الأسم ياريت يبقى { المصيبه العامه } يا أخى دا أنا أبنى داخل أولى إعدادى وخايفه من اليوم أللى حيروح فيه ثانوى .
    
    أشكرك جداً على الطرح الجيد للموضوع .
    
    تحياتى
    
    ——-

36. عماد قال:
    أغسطس 2nd, 2007 at 2 أغسطس 2007 6:44 ص

    شيخ المتفائلين اموووووووووووووووووس
    
    مين قال التعليم لم ينهار
    
    انه انهار منذ ايام تولى السياف سرور وزارة التربية والتعليم
    
    قولى بالله عليك ابنى فى كلية تربية انجليزى وصرفت عليه فى الثانوية العمة مالايطاق ماذا سيفعل بعد خروجه .
    
    فى هذا العام تخرج الالاف من الثانوية العامة دخل كلية الطب 12000 ويقول الوزير انه يريد 2500 ماذا سيفعلون
    
    انها سياسة الحكومة التى تريد تجوع هذا الشعب
    
    هذا العام لايوجد اولى ثانوى
    
    يعنى بعد 9 سنين مفيش دفعة هتتخرج من الجامعة
    
    طيب هو ده هيمنع البطالة
    
    لى زملااء خريجى 86 لم يعينوا حتى الان
    
    شاب القلب والشعر وهم منتظرون
    
    لابد من حلول جذرية
    
    لى راى ان يقفلوا المدارس عامين على الاقل وتعيين طابور البطالة بدل الصرف على كلام فارغ
    
    انا عرف وكيل الوزارة فى التربية والتعليم مرتبه الحوافز الكنترول البدلات حولالى 15000 جنيه بذمتك يعينوا كام واحد فى البلد دى
    
    مصرىىىىىىىىىىىىىىىىىىىىىىىىىىىىى حتى النخاع

37. rania ramadan قال:
    أغسطس 2nd, 2007 at 2 أغسطس 2007 7:23 ص

    على كل احنا في السودان نواجه ذات المشكلو فالدولة الجديدة طبقت سياسة ثورة التعليم العالي خاصة و ان التعليم العالي قديما كان قلة من الناس من يتمكن من الدخول للجامعات
    
    فكانت سياسة الدولة الجديدة فتح ما يقارب من 30 جامعة من حكومية وخاصة و النتيجة تخرج آلاف مؤلفة من الخريجين ليس لهم وظائف
    
    اعتقد هذه السياسات من سمات العالم العربي

38. ايمن مصطفى قال:
    أغسطس 2nd, 2007 at 2 أغسطس 2007 9:45 ص

    الاخت الكريمة عبير

    انا معاكى انها عايزه ناس بتحب مصر بس برضه عايزه ناس بتحب نفسها برضه …اصل الناس كلهم غنى وفقير ناجح وفاشل عايشين مع بعض مش فى معزل واى ضعف فى اى جانب هياثر على الاخر

    عشان كده محدش يستهون باى عمل اى فرد يحاول يصلح بدون تاخير ويتكاتف مع غيره صدقونى مفيش حل الا كده
    
    موضوع اشمعنى انا هيودينا فى داهية

    تحياتى

39. ايمن مصطفى قال:
    أغسطس 2nd, 2007 at 2 أغسطس 2007 9:46 ص

    ايه يا عم عماد

    انا كنت فاكرك صغير طلعت عندك اولاد وفى اعدادى
    
    على العموم حاول مع ابنك تفهمه الحياة وتعلمه يختار اللى هو عاوزه مش مهم المجموع
    
    صدقنى النجاح دايما رفيق الرغبة

    تحياتى

40. ايمن مصطفى قال:
    أغسطس 2nd, 2007 at 2 أغسطس 2007 9:47 ص

    اختى الكريمة رانيا

    الدنيا كلها بتتكلم عربى فى الدول العربية من المحيط للخليج يبقى لازم المشاكل مستنسخة

    وهو ده الشيئ الوحيد اللى نجحنا فيه كدول عربية فى عمل وحدة

    معاهدة الافساد العربى المشترك…………هى الوحيدة القائمة ومفعلة

    تحياتى

41. Amel ferhat قال:
    أغسطس 2nd, 2007 at 2 أغسطس 2007 11:18 ص

    ايمن مساء الخير ……
    
    مررت للسلام فقط ليس لدى وقت لقرات ما كتبت اعدك بالمرور فى وقت لاحق
    
    امل

42. قويدر النديم قال:
    أغسطس 2nd, 2007 at 2 أغسطس 2007 12:19 م

    أخي ايمن
    أحطتم بالمشكل من جوانبه و ليس عندي الآن سوى القليل لأقوله
    و المشكل كما تعلمون مكرر في معظم الدول العربية خاصة الكثيرة السكان و حكومتنا مثلا تطمح في تجاوز المليون طالب جامعي !! تصور ! بينما إذا ذهبت للإدارة لاستخراج سجل تجاري - لا أقول انشاء مؤسسة - عليك انتظار نصف سنة ! هذا إذا كان عندك معارف

    العبرة ليست بالكم من المتخرجين و إنما بالنوعية و بعد أن تأتي النوعية يجب توفير الفرص المناسبة و إن لم تستطع الحكومات ذلك عليها اعطائهم مساحة كبيرة للحركة و الابداع و عليها إزالت الحواجز البيروقراطية .
    يقولون أن تسعين في المئة من اقتصاد أمريكا مصدره الشركات الصغيرة و الفردية فلما لا تكون اقتصاداتنا كذلك خاصة إذا و فروا الأجواء المناسبة

    أشكرك على مقالاتك العملية جدا و أشكرك الرسالة التي أرسلتها لي و أنا معكم على طول

    تحياتي

43. أبو ثوبان قال:
    أغسطس 2nd, 2007 at 2 أغسطس 2007 12:48 م

    الأربعاء,آب 01, 2007

    وايضا من اجل الطفولة

    من اجل الطفولة

    من اجل الطفولة

    ساهموا معنا من في بنك المدونين

    لمساندة مشروع رانيه رمضان

    شوكلاته لكل متسول

    لقدبذلت مجهودا كبيرا وباذن الله سيتحقق المراد بالنوايا الطيبة اولا وبالعمل
    
    على انشاء بنك المدونين كل حسب رغبته ومقدرته الماديه بشرا ءعدد من
    
    . الاسهم ويكون عضو مؤسس بهذا البنك

    حيث من اهداف هذا البنك الانفاق على مشاريع تخدم الطفوله وتؤهلهم لحياة
    
    كريمه على مستوى الوطن العربي بحيث تكون قيمة السهم الواحد دولار مثلا

    ويكون له هيئه مراقبين من المدونين واخرين محايدين
    
    .
    
    وانشاء الله سيثمر المشروع خيرا كثيرا للاطفال المشردين ويعود بسعة الرزق
    
    على المدونين المساهمين فيه ذلك من خلال استثمار المبالغ المتحصله من
    
    المساهمين وجعل ما نسبته 60% منها لابواب الخير والمتبقي 40% يوزع
    
    على المساهمين كل حسب مايمتلك من اسهم في هذا البنك و يكون هناك سقف
    
    محدد لبعض المساهمين بحيث لا يتجاوز سقف 10% من قيمة رأس المال لكل
    
    مدون حتى لاتصبح تجارة وتحيد عن الهدف المنشود
    
    وهذه مجرد فكره راودتني للمساهمة الفعلية وعمل شيئ سيكون له الاثر الطيب
    
    .لدعم مشروعنا جميعا تضامنا مع الاخت رانيه ( شوكلاته لكل متسول

    يمحق الله الربى ويربي الصدقات
    
    فلا تستهينو بدولار او اكثر من كل مدون راغب فعل الخير

    والله من وراء القصد — لما ماضي
    

44. ايمن مصطفى قال:
    أغسطس 2nd, 2007 at 2 أغسطس 2007 1:25 م

    امل

    اخبارك ايه؟ ارجو ان تكونى بخير….
    
    على العموم فى انتظارك مرة اخرى للمشاركة فى النقاش

    تحياتى

45. ايمن مصطفى قال:
    أغسطس 2nd, 2007 at 2 أغسطس 2007 1:28 م

    اخى الكريم قويدر النديم

    المطلوب لن ياتى بالتمنيات المطلوب لا بد من تحرك الاباء والابناء معا لتحقيقه…..

    الى متى شنظل مفعول به الى ان تنتهى حياتنا اما متطرفين قنابل موقوتة ام الى ان ينحرنا اعدائنا؟؟

    اخى الكريم لا بد ان نتحرك كلنا كاسر وان ننصح ابناءنا ونضغط على حكوماتنا لتحقيق حد ادنى من التعليم وفتح ابواب الاستثمار ومحاربة الفساد

    وانا فى انتظار مقالك على الاسبوع القادم…المجلة تصدر كل جمعه برجاء ارسال المقال على عنوان بريدى وان ارجت ارفق معه صور

    لك تحياتى

46. ايمن مصطفى قال:
    أغسطس 2nd, 2007 at 2 أغسطس 2007 1:34 م

    اخى الكريم عبد الرحمن القادرى

    اشكرك على مرورك الكريم ومحاولة اشراكى معكم والتخفيف على الفقراء والمتسولين

    ولكن الموضوع محتاج الى توضيح اكبر عن اليات استلام الاموال والتوزيع والاستثمار وبخاصة تفرق المدونين على مختلف الدول العربي
    
    لكن من ناحية المبدا لا خلاف عليه

    تحياتى

47. د : سـيـد مخـتـار قال:
    أغسطس 2nd, 2007 at 2 أغسطس 2007 6:09 م

    المشكلة الاساسية فى مصر هى غياب سياسة واضحة لاى شيئ وليس التعليم بمعزل عن هذا التخبط فى الاداء وغياب الرؤية المستقبلية.
    
    فالمسؤلون على كافة المستويات والادارات مسؤلون مسؤلية كاملة عن انهيار البلاد بهذه الصورة الفجة والتى لم تستثير لليوم جديا لا مواطنين ولا حكومة ولا نخب ثقافية لمحاولة ايقاف عجلة الانهيار فى كافة مرافق الدولة والتى تدفع بالبلاد نحو الفوضى بصورة متسارعة مخيفة.
    
    لا حلول بمعزل عن اصلاح مجتمعى شامل لكل مستويات الادارة والتخطيط فى الدولة لتكون مؤهلة على كافة المستويات لعلاج ناجع لمشاكل مجتمعية مزمنة وليست وليدة اللحظة
    
    …………………………….
    
    الدولة باعت الشعب فلا تعليم ولا توظيف.. وباعوا المصانع وحاربوا الصناعات الصغيرة..وبنوك التنمية والإئتمان أدخلت الفلاحين السجن بسبب الفوائد المركبة..
    
    حلها من عندك يا رب

48. وفاء النجار ( أم إبراهيم ) قال:
    أغسطس 2nd, 2007 at 2 أغسطس 2007 10:16 م

    أخي أيمن مصطفى حياكم الله

    ((لا مجال امامنا سوى الاستمرار فى الطريق الذى بداناه لاصلاح انفسنا لانه هو السبيل لاصلاح مجتمعنا.
    
    هذا هو منهجنا الذى لن نحيد عنه فى عملنا، الاخلاص فى العمل، التواصل، تحديد الاولويات، المشاركة والجماعية، عدم التقليل من اى مجهود، كلنا شركاء فى النجاح ومسؤلون عن الفشل، كلنا يدا بيد بنية خالصة لله.
    
    الطريق ليس سهلا وليس ممهدا ولكنه ايضا ليس صعبا او بعيد المنال…..فقط حاول وجرب لتعرف الفرق بين الكلام والفعل.))

    رائع شكر الله لكم .
    

49. علي ابراهيم قال:
    أغسطس 3rd, 2007 at 3 أغسطس 2007 12:08 ص

    الحل واحد من الاتنين يا عم ايمن
    
    يا اما احنا يا اما حبايبنا
    
    قبل كده مفيش كلام عن اصلاح حتي ماسورة ميه مكسوره علي ناصية شارع مش ساكن فيه واحد من الجماعه حبايبنا برضه
    
    مع انهم بيشربوا ميه معدنيه

50. ايمن مصطفى قال:
    أغسطس 3rd, 2007 at 3 أغسطس 2007 1:01 ص

    ال د سيد مختار
    
    الدولة لم تبع….الافراد اللى فى ايديهم مقاليد الامور للتوضيح لان الناس لم تستشار ولم يتكلم الخبراء الحقيقين

    اللى حصل هو تمويت مؤسسات حتى تباع بتراب الفلوس نظير عمولات

    ولا بد لنا جميعا من وقفة

    تحياتى

51. ايمن مصطفى قال:
    أغسطس 3rd, 2007 at 3 أغسطس 2007 1:02 ص

    اختنا ام ابراهيم

    وتحية من عند الله مباركة للرد على تحيتكم

    ليس امامنا من حلولو سوى الاستمرار فى الصمود مع محاولة تغيير الواقع السيئ بشتى الطري قالسلمية

    تحياتى

52. ايمن مصطفى قال:
    أغسطس 3rd, 2007 at 3 أغسطس 2007 1:04 ص

    شوف يا اخونا على

    البلد لم تعد تساع اثنين عشان كده بنشوف المهازل اللى بتحصل مفيش حاجة بتنكسر تتصلح وده مش عيب مؤسسات ده عيب افارد
    
    تقدر تقولى فين بقية الموظفين وبقية الشعب
    
    مش كلهم مقصرين يبقى نحل ايه ولا ايه؟

    دول بيشربوا عرق سوس

    تحياتى

53. ابن مصر قال:
    أغسطس 3rd, 2007 at 3 أغسطس 2007 6:51 م

    الاستاذ ايمن
    
    حنفضل لحد ما نعرف هو فين قدام و فين ورار
    
    لما المهندس يبقى فعلا مهندس مش كل مقاول انفار يبقى مقاول و بعين مهندس و بعدين صاحب شركة مقاولة وهو الى يشغل مهندسين مش المهندسين هى الى تشغلة
    
    لماالدكتور يشتغل دكتور مش يشتغل جرسون و لا مبلاط قشانى او صبى مكانيكى
    
    ابن مصر الغلبان و الحيران
    

54. Salwa Ghanem قال:
    أغسطس 3rd, 2007 at 3 أغسطس 2007 8:53 م

    كلام جميل عن الثانويه العامه

55. نيفين عمر قال:
    أغسطس 3rd, 2007 at 3 أغسطس 2007 9:16 م

    ادراج رائع كتب بناء على معلومات قويه لديك فخرج بقوته هذه
    
    احييك على الموضوع جدا
    
    للاسف هذا حالنا
    
    حالنا الذى اصبح فى قمة الوهن فى كل المجالات
    
    تحياتى

56. هيثم ابوخليل قال:
    أغسطس 3rd, 2007 at 3 أغسطس 2007 10:40 م

    صفر التعليم لم يجيء صدفه أخي الحبيب …
    
    تحياتي

57. ايمن مصطفى قال:
    أغسطس 4th, 2007 at 4 أغسطس 2007 1:29 ص

    ابن مصر

    وهو احنا يا اخى الكريم بعد كل ده لسه معرفناش فين قدام وفين ورا؟؟؟؟؟

    لما كل واحد يفهم ان خبرته فى مجال عمله ومجال تخصصه فقط والباقى يكون رايه فيها استشارى ستتحسن الاحوال

    ولكن هذا لن يحدث لو انتظرنا تحسن احوال الجميع؟؟
    
    لا بد من العمل المستمر
    
    ولا ايه؟
    

58. ايمن مصطفى قال:
    أغسطس 4th, 2007 at 4 أغسطس 2007 1:30 ص

    الاخت الكريمة سلوى غنيم

    والله المقصود بمقالى ليس الثانوية العامة فحسب…….الوضع المصرى كله مهترئ والله يمشى على المواصلات تلاقيه هو هو مستنسخ فى الثانوية العامة

    لك منى الف تحية

59. ايمن مصطفى قال:
    أغسطس 4th, 2007 at 4 أغسطس 2007 1:32 ص

    اختنا الكريمة نيفين عمر

    شكرا على الاطراء بس صدقينى ان كان الادراج رائع فدع عشان اتى من احساس بالمراة صادق حزسن على ما يحدث من مهازل يدفع ثمنها الوطن كله

    لك منى الف تحية

60. ايمن مصطفى قال:
    أغسطس 4th, 2007 at 4 أغسطس 2007 1:33 ص

    اخونا الكريم هيثم

    صفر كل شيئ لم ياتى صدفة
    
    ولكن الم يحن الوقت عشان كل واحد يقوم بدوره ويحاول يحرك ويزحزح الصفر للامام؟؟؟

    تحياتى

61. أحمد التابعى من مدونة {صحفى من منازلهم} قال:
    أغسطس 4th, 2007 at 4 أغسطس 2007 9:38 ص

    أخى الحبيب/أيمن مصطفى
    
    لك منى كل المودة والإعتزاز أخى الرائع

    كما قال أخى دكتورسيد مختار
    
    ليست هناك سياسةواضحة للبلد
    
    وأضيف أن الحكومة أصبحت بقيادتها غير صالحةللحكم لأنها أصبحت
    
    ناهبة..فاسدة؟؟مُسِنَه أنتهى عمرها الإفتراضى
    
    فكيف سترعى مصلحة البلد
    
    وكما قلت أنت أخى الحبيب/ أيمن

    المشكلة ليست فى زيادة عدد المقبولين فى الجامعات لاستيعاب المزيد والمزيد من الطلاب، او حتى فى زيادة عدد الجامعات الخاصة او الحكومية والتى يعتقد ان يتم علاجها بالتوسع فى الكورسات العلمية المعتمدة ذات المقابل الكبير سواء فى الجامعات الخاصة او الحكومية، ولكن المشكلة الاساسية لظاهرة المجاميع الخرافية هى قدرة المجتمع وسوق العمل على استيعاب كل هذه الاعداد التى يتم دفعها اليه كل عام

    أخى الفضل /أيمن
    
    أقرأ هذا الخبر وأترك التعليق عليه لك ولزملائى

    محمد علي اجتمع بكبار موظفي الدولة قبل بلوغه الثمانين وقال لهم: لقد كبرت.. ولا أستطيع تحمل مسؤولية

62. ماجد قال:
    أغسطس 4th, 2007 at 4 أغسطس 2007 9:46 ص

    الأخ الفاضل أيمن
    
    تحياتي لك ولمدونتك الطيبة
    
    بلاء فوق بلاء فوق بلاء ابتلينا به في جميع مؤسساتنا ومنها العلمية
    
    لتيقنهم أن التعليم أساس بناء ونهضة الأمم
    
    ولذلك يتم تدميرة سواء بأيديهم أو بايدينا نحن
    
    تحياتي أخي

63. ايمن مصطفى قال:
    أغسطس 4th, 2007 at 4 أغسطس 2007 9:48 ص

    اخيى الكريم احمد التابعى

    بالنسبة للتعليق فكلنا متفقون ولكن كيف نحول الاتفاق الى شيئ على الارض نحاول ان نصلح به الوضع المهترئ؟؟؟

    بالنسبة لمحمد على……الله يرحم ايامه لو لاحظت هتلاقى مصر منذ الازل تعلو مع القائد الوطنى وتهبط مع……

    تحياتى

64. ايمن مصطفى قال:
    أغسطس 4th, 2007 at 4 أغسطس 2007 10:57 ص

    الاخ الكريم ماجد

    تحياتى اليك..المشكلة اخى الكريم اكبر واخطر من الحكومات الافراد بانفسهم هم وقود الحكومات نحن بايدينا من اهملنا وفرطنا وتركنا الامور تصل لهدا السوء

    يجب ان نبدا بانفسنا

65. هبه خطاب قال:
    أغسطس 4th, 2007 at 4 أغسطس 2007 2:46 م

    ايمن
    
    ان ما ذكرته فى هذا الادراج هو الحقيقة الغائبة بعينها …والمشكلة فى ان الجامعات الخاصة اصبحت منتشرة فى مصر وتقوم بتخريج العديد من الطلاب والذين يجدون فرص عمل فى مشروعات الاغنياء عكس الطلاب خريجى الجامعات الحكومية والذين لا يجدون اى فرصة تذكر..

66. عزالدين قال:
    أغسطس 4th, 2007 at 4 أغسطس 2007 3:39 م

    دعوة لزيارة مدونتي و التعليق على موضوع بخصوص الفساد الاخلاقي و المالي الذي ينخر الجيش المغربي

67. ايمن مصطفى قال:
    أغسطس 4th, 2007 at 4 أغسطس 2007 3:40 م

    هبة

    والله المشكلة مش فى الجامعات الخاصة فقط…المشكلة فى كل حاجة فى حياتنا كل شيئ غلط وهو ده اللى خلى نصف المصرين مكتئب والنصف الاخر فى الطريق

    تحياتى

68. ايمن مصطفى قال:
    أغسطس 4th, 2007 at 4 أغسطس 2007 3:43 م

    اخى الكريم عز

    ان شاء الله نمر على مدونتك ونتشارك معك فى ابداء الراى
    
    تقبل تحياتى

69. ¤©§][§©¤][ أفنـــدينا ][¤©§][§©¤ قال:
    أغسطس 4th, 2007 at 4 أغسطس 2007 4:05 م

    أخي أيمن
    ما ذكرت في مقالك هو عين الحقيقه
    ولكن الإصلاح يبدأ عندما نجاوب على السؤال الذي جاء بالكريكاتير أعلى الإدراج
    ربما حينها نكون على الطريق الصحيح
    تقبل تحياتي وتقديري

70. ايمن مصطفى قال:
    أغسطس 4th, 2007 at 4 أغسطس 2007 4:31 م

    افندينا

    وانا اتفق معاك تماما فى موضوع التماثيل والاصنام

    وهو ده السؤال اللى مفيش حد عاوز يجاوب عليه بصراحة

    انت عارف احنا وضعنا الحالى فعلا لا يسمح برؤساء غير الموجودين

    احنا الحالة بقت زفت

    تحياتى

71. ايمان العرفاوى قال:
    أغسطس 4th, 2007 at 4 أغسطس 2007 11:33 م

    السلام عليكم
    
    يا اخى العزيز الثانوية العامة غول بيخوف وبيرعب الاهالى قبل الطلبة
    
    للاسف بقى التعليم تجارة مربحة
    
    وبما ان الحكومة حماها الله مش مسؤلة عن البلد وشالت ايديها من كل حاجة واولهم التعليم اللى هو اساس كل حاجة واللى بانهياره بتنهار كل حاجة
    
    واحنا بسلبيتنا الانهيار بيزيد الله اعلم مصر هتوصل لفين
    
    المسؤلين هما سبب كل فساد
    
    مافيش قدمانا غير الاعتماد على نفسنا
    
    ابدأ بنفسك
    
    تحياتى

72. ايمن مصطفى قال:
    أغسطس 5th, 2007 at 5 أغسطس 2007 5:59 ص

    الاخت الكريمة ايمان العرفاوى

    الثانوية العامة او التوجيهى كانت هكذا منذ القدم ولكن المشكلة بعد الثانوية العامة والدخول للجامعة لان الحاصل على مجموع 95% لا يجد كلية واللى حاصل على 80% يعتبر فاشل

    المشملة فى السوق بعد التخرج والمستوى العلمى الدولة مش عاوزه تحل والناس مش قادرين يفهموا ويعقلوا المسالة لا بد من وقفة مش ممكن نستمر فى التغاضى عن هذا الفشل الى ما لا نهاية

    تحياتى

اكتب تعليــقك